I wünsch da fürs Leb´n
vü Frohsinn und Freid,
i wünsch dia des Glück
und a friedliche Zeit.

I wünsch dia de Liab,
de Liab in dia drin,
i wünsch da im Leb´n
an gonz tiafn Sinn.

I wünsch da vo Herzn
dass da oiwei guat geht,
dass da Segn vo obn
stets üba dia steht.

I schenk dia a Versl

I schenk dia a Versl
voi Liab und voi Freid,
es söd di begleitn
durchs Lebn, durch de Zeit.

Des Versl södst gspian,
es söd in dia klinga,
es söd di berian,
wia a Liad in dia singa.

Du södst in dein Lebn
des Guatsei vaspian,
du södst nia den Frohsinn
und ´s Lachn valian.

I schenk dia a Versl
fis Herz und fis Gmiat,
aufdass dia dei Seele
a niamois erfriat.

Du bist mei Sunnschei,
du mochst ma vü Freid,
und mit dia vabring i
de oiaschenst Zeit.

Mit dia hot mei Leb´n
an gonz tiafn Sinn,
du bist ma so wichtig,
bist wia a Gewinn.

Du schenkst ma im Lebn
de kostborstn Stundn,
mit dia hu i wirklich
an goidan Schatz gfundn.